 Executive日記——
國泰「空中之旅」
載190基層衝上雲霄
2015-01-20
一年一度嘅國泰「空中之旅」活動即將舉行，讓基層市民一嘗衝上雲霄嘅滋味（圖）。今年國泰同五間社區組織合作，要求參加者提交創意親子方案，爭取登機機會，當中包括不少窩心作品。「空中之旅」更首次包括智障及視障人士，等佢哋同屋企人一同暢遊香港上空，真係別具意義。 「空中之旅」來到第五屆，國泰與成長希望基金會、盲人輔導會及基督教協基會元朗社會服務中心等五個機構協辦，要求參加者以文字、圖片、陶藝或錄音等，一方面增加基層家庭嘅親子機會，亦畀佢哋爭取表現，才可以取得登機遊港嘅機會。 活動成功招募逾一百九十名來自六十個低收入家庭嘅市民，好多基層家庭三代人都從未搭過飛機，今次就可以嘗試飛翔天際嘅滋味。二月一日當日，佢哋將會乘搭波音777客機，翱翔天際一個半小時。 KellyChu |
